Að þessu sinni eru birtir mannfjöldapýramídar fyrir árin 2016 og 2021. Það er einkennandi að karlar eru fleiri en konur. Ef horft er til miðsvæðisins þá eru karlar 53% árið 2021 en konur 47%. Hlutfallið var 51% karlar og 49% konur árið 2016. Á landinu öllu og á Vestursvæðinu voru hlutföllin því sem næst jöfn árið 2016 en á Austursvæðinu voru hlutföllin 53,2% karlar og 46,8% voru konur. Árið 2021 eru karlar orðnir 51,3% íbúa landsins og konur 48,7%. Á Vestursvæðinu voru hlutföllin enn jöfn en á Austursvæðinu hallar orðið enn meir á konur og eru þær nú 45,5% á meðan karlar eru 54,5% íbúa.
Ef fjölmennustu hóparnir eru skoðaðir þá eru það karlar á aldrinum 25-34 ára, konur á aldrinum 25-29 ára og 55-59 ára á Miðsvæði árið 2021 en voru karlar á aldrinum 50-59 ára og konur á aldrinum 20-24 ára og 50-54 ára árið 2016. Á landinu öllu voru hópar karla og kvenna á á aldrinum 25-34 ára fjölmennastir árið 2021 en 20-29 ára árið 2016. Á Vestursvæði eru 10-14 og 20-24 ára karlar og konur fjölmennustu hóparnir. En voru 5-9 ára og 15-19 ára árið 2016. Á Austursvæðinu hafa mannfjöldapýramídar áranna 2021 og 2016 fremur óreglulega lögun þó greina megi "mitti" í þeim í aldurshópi fólks á barneignaraldri. Ójafnt kynjahlutfall einkennir þá jafnframt sem og lágt hlutfall íbúa í yngstu árgöngunum.
Þegar aldurshóparnir 0-4 ára og 75-79 ára eru bornir saman þá fækkar í yngri aldurshópnum á öllum svæðunum nema Miðsvæðinu þar sem fjölgar um 20 manns. Í eldri hópnum fjölgar á öllum svæðum á milli áranna 2016 og 2021. Ef horft er til lögunar pýramídanna og samanburðar á aldrushópunum tveimur, 0-4 ára og 75-79 ára fást vísbendingar um skort á vinnuafli og almenna fækkun íbúa í framtíðinni.
Tafla 1. Mismunu og hlutfall fjölda íbúa í hópunum 0-4 ára og 75-79 ára.
| Ísland | Vestursvæði | Miðsvæði | Austursvæði | |
| 2021 – 0-4 ára |
21827 | 1167 | 194 | 51 |
| 2021 – 75-79 ára |
8702 | 619 | 133 | 46 |
| Mismunur | 13125 | 548 | 61 | 5 |
| Hlutfall (Eldri af yngri) | 40% | 53% | 69% | 90% |
| 20216– 0-4 ára |
21845 | 1303 | 174 | 67 |
| 2016 – 75-79 ára |
7718 | 482 | 115 | 38 |
| Mismunur | 14127 | 821 | 59 | 29 |
| Hlutfall (Eldri af yngri) | 35% | 37% | 66% | 57% |