-
Fundir stýrihóps
Í stýrihópi Sjálfbærniverkefnisins á Norðausturlandi sitja eftirfarandi:
Hlutverk stýrihóps er að gera tillögu til eigenda um hver fer með umsjón eða verkefnisstjórn verkefnisins, bera ábyrgð á mótun og framkvæmd verkefnisins, gera tillögur til eigenda um framvindu og kostnað og gera tillögur til eigenda um breytingar á vísum verkefnisins. Hver fulltrúi í stýrihópi fer með eitt atkvæði.
Landsnet tekur þátt í Sjálfbærniverkefninu á Norðausturlandi. Fyrirtækið hefur verið þátttakandi og átt fulltrúa í stýrihópi verkefnisins frá því að það var endurvakið í lok árs 2014.
Vef Landsnets má sjá hér.
PCC Bakki Silicon kom inn í Sjálfbærniverkefnið á Norðausturlandi sem þátttakandi í ársbyrjun 2018. Fyrirtækið tilnefnir einn fulltrúa í stýrihóp verkefnisins.
Sveitarfélögin Norðurþing, Skútustaðahreppur og Þingeyjarsveit voru öll þátttakendur í Sjálfbærniverkefninu á Norðausturlandi við upphaf þess og þegar það var endurvakið. Eftir sameiningu sveitarfélaganna Skútustaðahrepps og Þingeyjarsveitar undir nafninu Þingeyjarsveit er nýtt sveitarfélag áfram þátttakandi í verkefninu og stýrihópi þess.
Sveitarfélögin eru innan megin áhrifasvæðis verkefnisins og eiga það sameiginlegt að landsvæði í eigu þeirra er nýtt undir iðnaðaruppbyggingu, línulagnir og/eða virkjun. Þau tilnefna hvort um sig einn fulltrúa í stýrihópinn. Sveitarstjórar sveitarfélaganna hafa verið fulltrúar þeirra.
Fyrir hönd óháðra rannsóknaraðila tilnefnir Rannsóknamiðstöð Háskólans á Akureyri einn fulltrúa í stýrihóp verkefnisins.
Vefsíðu RHA má nálgast hér.
Ferðaþjónustuaðilar á Norðausturlandi tilnefna sameiginlega fulltrúa í stýrihópinn. Ferðamálasamtök Þingeyjarsveitar, Húsavíkurstofa, Mývatnsstofa og Markaðstofa Norðurlands standa sameiginlega að tilnefningunni.
Fundargerðir stýrihóps Sjálfbærnisverkefnisins á Norðausturlandi verða birtar að loknum fundum og þegar þær hafa verið samþykktar af stýrihópi.
Stýrihópur fundar öllu jöfnu tvisvar á ári. Fyrri fundur ársins fer fram í mars en seinni fundur ársins fer fram í nóvember.
14. fundur stýrihóps Sjálfbærniverkefnisins á Norðausturlandi var fjarfundur. Á dagskrá var framvinda verkefnisins og 4. ársfundur Gaums.
13. fundur stýrihóps Sjálfbærniverkefnisins á Norðausturlandi var fjarfundur. Á dagskrá var 4. ársfundur Gaums.
12. fundur stýrihóps Sjálfbærniverkefnisins á Norðausturlandi var fjarfundur. Kynnt voru næstu skref í uppbyggingu á Bakka, staða verkefnisins og verkefnisáætlun 2021.
11. fundur stýrihóps Sjálfbærniverkefnisins á Norðausturlandi var fjarfundur. Rætt var um ársfund verkefnisins og undirbúning hans.
Tíundi fundur stýrihóps Sjálfbærniverkefnisins á Norðausturlandi fór fram í Reykjahlíð á skrifstofu Skútustaðahrepps. Lögð voru fram drög að starfsfáætlun og hafinn undirbúningur að ársfundi.
Níundi fundur stýrihóps Sjálfbærniverkefnisins á Norðausturlandi fór fram hjá PCC BakkiSilicon ehf. þann 3. apríl 2019. Framvinda verkefnisins, ársfundur og árskýrsla voru til umfjöllunar.
Áttundi fundur stýrihóps Sjálfbærniverkefnisins á Norðausturlandi fór fram á Fosshótel Húsavík 16. nóvember 2018. Meðal umræðuefna var hvort og hvernig vísar verkefnisins væru að fanga breytingar innan vöktunarsvæðis Gaums.
Sjöundi fundur stýrihóps Sjálfbærniverkefnisins á Norðausturlandi fór fram á Fosshótel Húsavík 17. maí 2018. Á fundinum var staða verkefnisins kynnt og farið yfir kynningarmál.
Sjötti fundur stýrihóps Sjálfbærniverkefnisins á Norðausturlandi fór fram á Fosshótel Húsavík 23. október 2017. Á fundinum lá fyrir tillaga að verkefnis- og kostnaðaráætlun ársins 2018 auk þess sem vefur verkefnisins var kynntur og hagnýtt gildi verkefnisins rætt.
Fimmti fundur stýrihóps Sjálfbærniverkefnisins á Norðausturlandi fór fram á sveitarstjórnarskrifstofu Skútustaðahrepps. Til umræðu voru vefur verkefnisins, aðkeyptar rannsóknir og sérvinnsla gagna, lén vefsíðu verkefnisins og hagnýtt gildi þess.
Á fjórða fundi stýrihóps Sjálfbærniverkefnisins á Norðausturlandi sem haldinn var á Þeistareykjum var fjallað um hlutverk stýrihóps, fyrirkomulag vefsíðu verkefnisins og skiptingu áhrifasvæðis verkefnisins.
Á þriðja fundi stýrihóps Sjálfbærniverkefnisins á Norðausturlandi sem fór fram á Húsavík voru samráðsáætlun, vísar verkefnisins og fjölgun eigenda rædd.
Annar fundur stýrihóps Sjálfbærniverkefnisins á Norðausturlandi fór fram á Húsavík. Á fundinum var farið yfir áhrifasvæði verkefnisins, markmið þess, samráðsferði og fjölgun eigenda. Einnig voru vísar verkefnisins yfirfarnir.
Fyrsti fundur stýrihóps Sjálfbærniverkefnisins á Norðausturlandi fór fram á Húsavík. Fundurinn var fyrsti liður í því að endurvekja verkefnið sem upphaflega fór af stað árið 2008, stofna nýjan stýrihóp og leggja drög að vinnu næstu mánuða á eftir.